Angelababy忽爆戀情　前夫黃曉明約會趙仕瑾

內地女星Angelababy（楊穎）自去年初宣布同影帝黃曉明離婚後，雖然佢成日與唔同小鮮肉傳緋聞，不過都只見樓梯響，點知今日（2日）就爆出佢疑似有位圈外神秘男友，對方仲同佢對足兩日！

有內地媒體稱三個月前拍到Angelababy劇組房車上多咗位生面口靚仔，兩人齊齊同朋友聚會，結束後再單獨去打邊爐火鍋，最後二人一同返屋企。次日，Baby出門開工，而男子就同佢司機共進午餐後再次回到家中，疑似戀情曝光。有指位男子係圈外人，既唔係工作人員，亦唔係Baby細佬，仲話該男子曾參加Baby生日P，疑似戀情曝光。

不過大家花生都未食完，Angelababy助理今日就極速澄清，留言：「我姐單身」言簡意賅否諗戀情，即被網友笑稱係為自己正名最快嘅藝人之一。

另外，Baby的前夫黃曉明繼跟網紅葉珂傳戀情後，日前再被內地狗仔拍得跟演員趙仕瑾約會，女方跟Baby、葉珂一樣同是𡃁模樣，於2018年時更曾與Baby於活動上影合照。曉明與趙仕瑾齊齊到VIP包廂看電影，行樓梯時，曉明更被拍得將放向女方屁股後，行為親蜜，但亦有網民指可能只是幫對方擋住以防走光。