「蜘蛛仔」生日水中向女友示愛　監製宣布將開拍新一集《蜘蛛俠》

昨日是英國男星「蜘蛛俠」Tom Holland 27歲生日，其女友Zendaya昨日就於社交網公開與男友度假慶祝生日的照片，照片中他們行海邊，其中一張「蜘蛛仔」潛在水中並高舉心形手勢，以行動冧爆女友！

而《蜘蛛俠》電影系列監製Amy Pascal 日前受訪時表明將會開拍新一集《蜘》，但目前因編劇工會罷工而開唔到工。而同一時間「蜘蛛仔」Tom接受另一訪問時就表示樂意再演「蜘蛛俠」：「如開拍我好夠運可以再拍。拍唔拍都係未知知數，我哋要等待一下。」

雖然新一集《蜘》有排都未有得睇，但以「蜘蛛俠」做主題的動畫《蜘蛛俠：飛躍蜘蛛宇宙》（Spider-Man: Across the Spider-Verse）昨日就正式開畫，而為片中女主角配音的美國女星希莉辛菲（Hailee Steinfeld）昨日就以性感打扮現身該片的放映會。