出道10年演技仍被轟 迪麗熱巴無奈:我的臉變不了

2023年06月02日 15:01
東網電視
更多新聞短片
新疆美女迪麗熱巴人氣高企,出道無耐就已經上位做一線當紅花旦,唔驚唔覺就已經入行10年,聽日(3日)更係佢30歲生日,所以佢就上載咗一批新相,當禮物咁送畀粉絲。而佢最近就現身新劇《公訴》飾演檢察官,但就畀大批觀眾質疑形象唔適合,仲被質疑迪麗熱巴本人影子太重,令大家忽視新角色嘅感覺,搞到佢都要無奈嗌擔心。
佢最近接受採訪時,就坦言確實會擔心觀眾看法,見到好多人踩自己唔適合個角色,搞到佢都否定自我,後期配音亦受到外界聲音影響,覺得自己做得好差,不過佢都保持樂觀:「我也做不了甚麼太大的改變,我的臉也變不了,我只能頂着我的臉去演。」於是佢花費更多力氣去塑造角色,希望從言行舉止上說服觀眾相信自己係檢察官。