鍾雨璇為時尚品牌擔任司儀　訪問連詩雅變小矮人

歌手鍾雨璇唱歌和口才了得，經常包辦活動的司儀和歌手工作，早前為時尚品牌擔任司儀，開心可以訪問歌手連詩雅：「最開心見到連詩雅，好鍾意佢嘅歌，不過嗰日我變咗小矮人，因為整親腳，無着到高跟鞋，同佢和鍾浠文企埋一齊，我好似凹咗入去，矮咗一截。」

原來早前她為拳賽頒獎，上台時扭傷，活動後追的士再扭，1日扭兩2次，「要做物理治療、跌打和針灸，其實好耐之前跌傷過一次，就長期扭傷同一位置，想快啲好番，就可以着番高跟鞋，唔使再做小矮人。」