無視Jennie等女神　陳柏霖日本睇騷眼中只有佢

台灣男神陳柏霖最近去咗日本東京睇時裝騷，當日眾星雲集，包括韓團BLACKPINK成員Jennie、日本女星小松菜奈、韓國男神朴敘俊等，真係唔紅唔現身，但估唔到陳柏霖嘅注意力，竟然唔係放喺多位日韓頂級女神身上，反倒僅post出同荷里活女星、「吸血女」姬絲汀史釗活（Kristen Stewart）合照，仲「大細超」放夠兩張。眼中只有對方嘅陳柏霖，獲對方勾肩搭背合照，姬絲汀仲伸晒脷咁selfie，睇到網友都留言話一時之間都唔知應該羨慕邊個好，兩位都係男神、女神級索人，相當吸睛。