周家蔚花3個月時間上堂　改善同家人關係

藝人周家蔚今日（3日）到觀塘出席公開活動，她透露早前花了3個月時間，參加一個自學課程，成功改善與家人的關係，尤其丈夫洪天明更搞笑向身邊友人推薦，叫已婚男鼓勵自己的太太做家蔚「師妹」！

家蔚透露：「個課程要開會，同埋每日定目標跟住去做。其實係我爸爸讀完，再叫我去上堂，我哋兩父女以往長期分隔兩地，少溝通有好多心結未解，依家可以話全無介蒂。後來我驚覺原來原生家庭嘅問題，直接影響我同天明嘅關係。」

她坦言自己的轉變十分明顯：「明白原生家庭對一個人嘅影響究竟有幾大，好似我大仔喺讀書方面冇乜自控性，以前我淨係識鬧，依家我會同佢一齊學中文、去背默，我媽咪話最成功係連覺得天明都冇咁驚我！」

談到近日天明留港開工，她被拍得帶囝囝去探班放閃，她笑說：「兩個仔探完班話想出鏡。（畀佢哋入行？）以前會驚佢哋辛苦，依家覺得冇所謂，佢哋條路要自己闖出嚟，我哋以前係咁，佢哋都應該冇問題。今日天明都要開工，我有叫佢帶埋兩個仔去現場，俾佢哋知道30幾度著皮褸開工係乜感覺。」