《隱門》湯洛雯提早收身等影婚照 黃智雯落水戲考演技

2023年06月03日 20:51
東網電視
更多新聞短片
藝人陳展鵬、湯洛雯(靚湯)、黃智雯與吳岱融為新劇《隱門》宣傳,講到劇集反應好,展鵬稱家人也有追看,但他不敢讓女兒看,因為對方年紀尚小,提到有網民懷疑展鵬是反派,他笑言觀眾喜歡腦補很多情節,自己驚訝不少觀眾極之代入角色。至於劇中飾演警花的靚湯被指角色愚蠢,她坦言:「我睇劇本時都覺得自己好蠢,我係滿腔熱誠,但力有不遞,論盡係事實,我係論盡擔當。(本色演出?)都係,我今日著長裙係因為我成對腳瘀晒,成日都唔小心撞瘀。(追男仔係咪本色演出?)我從來未試過,我係被動派。」
而年底結婚的靚湯稱婚禮以正常速度籌備中,但不想透露太多細節,因為只是一個小型及很私人的婚禮,又指已積極修身:「我上年肥過依家十幾磅,拍《隱門》嘅狀態好差,因為我得咗胃炎,要食好多藥,又瞓唔到,要食安眠藥,當時個人好脹好腫,老咗好多,拍完之後成個人散咗,所以有段時間我話唔拍劇住,要好好休息吓,依家好好多,做運動同睇中醫調理,精神好咗。(依家可以拍番劇?)可以,但我之後要出埠,所以要就時間。」
另外,黃智雯與吳岱融兩父女,角色殘暴嘅吳岱融就無奈表示:「真係唔關我事,係監製搞成咁,我都係做番自己嘅工作,我都收到好多朋友傳訊息畀我話我好得人驚。」而智雯就自言每次跟「父親」吳岱融見面,都是先來一巴掌:「其實佢私下好好人,但一埋位就唔係人咁品。我有啲場口同佢有肢體衝突,我冇諗過佢係咁力大無窮,一手就可以舉起我。」岱融補充指當時也想不到,自己一手拉起對方再拋出去,智雯落地時轉了兩個圈,當時心諗「死火」,最後令對方玉腿受傷:「其實蝦人嗰個好陰功,有一下唔小心整傷佢,我好心痛。」除了被打,智雯昨晚有場落水救黃子恆的情節,她稱自己本身不懂游水:「我只係識扮游水,場戲仲要補拍,所以係拍咗兩日浸咗兩次水,浸到甩皮甩骨。」