阿根廷Dorismar 好波出股惑

2023年06月03日 23:00
東網電視
更多新聞短片
嚟自阿根廷嘅Dorismar,唔單止好波,仲好「股惑」!(互聯網)
提起南美國家阿根廷,除咗足球之外,大家仲會諗到乜嘢呢?事實上,當地有唔少高顏值嘅索女,身材高挑性感,
性格熱情奔放,令男人冧到暈,好似今日同大家見面嘅網紅Dorismar就係其中之一。
大尺度寫真
每當講起阿根廷,唔少人都會諗起佢係足球強國,實情係佢除咗盛產足球員外,更係一個盛產索女嘅國度,喺首都布宜諾斯艾利斯出生嘅Dorismar正係其中一個代表。
擁有迷人樣貌嘅佢,自細夢想成為模特兒,只係因為機遇關係,令佢一直未能圓夢,惟有向媒體行業發展。及至有一日,佢獲著名男士雜誌邀請拍寫真,心情猶如中頭獎咁開心!雖然佢從事媒體工作多年,但始終未放棄過成為模特兒嘅夢想,故此當有雜誌搵佢拍寫真,縱然知道係尺度相當大,佢仍一口答應,加上佢好想趁自己年輕兼魅力十足嘅時候,能夠拍攝一輯令自己覺得滿意嘅寫真,留下美好回憶,而呢輯寫真不但一圓佢嘅模特兒夢,更成為佢踩入網紅界嘅契機。
人氣飆升
事實上,早喺Dorismar做模特兒之前,便已經有自己嘅網絡社交帳號,並以分享生活點滴為主,而拍完寫真之後,佢就將部分靚相分享畀大家欣賞,卻估唔到憑住過人魅力,令佢瞬間喺網絡爆紅。眼見自己嘅人氣極速飆升,佢便將工作重心放喺經營社交帳號上,經常自拍性感寫真向粉絲派福利,同時繼續模特兒事業之餘,最令佢意外嘅就係多咗喺電視及網絡等媒體亮相嘅機會。
正如Dorismar所講,從未諗過憑住性感形象,可以令佢嘅事業有新嘅突破。至今IG粉絲超過141萬嘅佢,近年嘅寫真以比堅尼為主,而大部分靚相都係海邊拍攝,原因係佢近年愛上游水同曬太陽,加上比堅尼可以凸顯佢誘人嘅身體曲線,因此佢便決定密密影泳衣相喎!
Profile
出生地:阿根廷
身高:178cm
三圍:36DD-25-37
每當睇到Dorismar分享嘅福利相時,焦點總會落喺佢激凸嘅上圍及渾圓嘅美股上,其實作為模特兒嘅佢,嗰對修長美腿同樣吸睛,千祈唔好錯過喇!