姚焯菲7月再返港　承諾跳Jisoo《Flower》

「聲夢小花」姚焯菲（Chantel）已返回新西蘭讀書個多月，昨日（3日）她開網上直播跟粉絲傾偈，不少粉絲都讚她瘦了又靚了。Chantel稱知道香港學生正值考試期，特意為他們打氣及加油，又教大家讀書方法：「我每日放學返到宿舍，會跟住時間表溫書，好有用，每半小時溫一個科目，即日溫書可以加強記憶，考試前一日再溫習，就會好有印象。」

講到近況，她表示：「我最近換咗房，因為每個學期都要換，今次間房好光猛，之前間房有啲暗。呢邊功課係多，唔係第二日要交，所以還好。」她預告7月便再次返港，並透露非常掛住父母、同學及After Class成員。有網友問她會在哪兒升讀大學？她坦言：「我一直同父母計劃，但未知，因為太多嘢想讀同太多地方想去。」有網友問她是否懂得跳BLACKPINK成員Jisoo的新歌《Flower》？她稱懂得，並許下承諾：「當我返嚟香港，我會試跳畀大家睇，因為依家對住個鏡頭跳好怪。」雖然還要多等一個月才能見到Chantel真人，但她表示快將推出Vlog，叫大家密切留意。