陳煒爆老公想拍劇做「醫生」 因為一個原因...

2023年06月05日 15:45
東網電視
更多新聞短片
藝人陳煒(煒哥)、蔣家旻和游嘉欣等今早(5日)為無綫《非常檢控觀》開工,場口講述煒哥與一班闊太參加兒子公司舉行的池邊派對,飾演富家女的蔣家旻以親友身份畀面出席,至於游嘉欣則為男友到現場尋找目標人物,雖然是池邊派對,但三人均只穿便服出席。
煒哥解釋因今次是飾演大狀兼母親,所以不用泳裝上陣:「視乎劇情同角色,有需要都唔介意着泳衣。(要老公批准?)唔使佢審批,哈哈!」劇中飾演大狀的她坦言最難就是背劇本,因角色有大量對白,問到會否找老公對戲?她説:「試過呀,尤其係同醫學有關嘅劇情,自己都想了解清楚啲專用名詞。(有冇諗過叫老公客串?)佢有講過想做嗰啲行出嚟同家人宣布病人死亡,『我哋已經盡咗力』嗰啲,佢好想做!」
至於蔣家晏則表示自己分析了角色後,決定穿沙灘裝:「原本服裝同事係搵件泳衣畀我,下身有絲巾圍住,但我角色係集團嘅公關,我覺得唔需要咁性感,沙灘裝得啦,最後佢哋都同意。(你好怕着泳衣?)梗係啦,你畀啲後生嘅、身材好嘅着就OK囉。」她又自嘲自己身材不適合穿三點式:「我係中央肥胖,天生冇乜腰形,無謂暴露自己唔好嘅地方,畀網民Cap圖就唔好啦,以前拍《3日2夜》我同監製講你搵我做乜都得,但點都唔着比堅尼!」問到若將來拍劇需穿泳衣怎麼辦?她笑言會與監製商討,最極限是穿一件頭。
飾演扒手的游嘉欣,造型上非常清涼,穿上小背心露出小蠻腰,但角色要駕駛電單車,所以經常穿上皮褸,笑言相比曬傷她更擔心拍外景中暑。