獲陳奕迅加持谷新歌　Kerryta粉絲人數急升

環球旗下歌手Kerryta推出作品《孤獨的戀愛家》，被陳奕迅（Eason）加持，並在自己的社交平台轉載及留言鼓勵，得到Eason的大力推介下，令她受寵若驚，望日後有機會合作擦出新火花！

Kerryta早在4年前已經認識Eason， 當年加入樂隊Dusty Bottle時，Eason是以嘉賓身份出席。她還記得當時與「臣」對話：「感覺好神奇，因為竟然得到Eason嘅讚賞，佢一向支持後輩，以前亦有將我哋嘅作品分享到社交平台，Eason的確係位好稱職嘅音樂推廣大使，佢亦有份享其他喜歡嘅作品到社交平台。」

對於今次Eason再次轉載她的新作，她續說：「我打開電話見到突然多好多followers，又有好多朋友inbox留言畀我，我一睇即刻嘩嘩嘩！估唔到Eason有詳盡介紹我嘅歌，真係受寵若驚，好感激呢位前輩嘅推薦，原來佢一直喺背後默默咁留意我嘅作品，對我而言係有好強大鼓舞，喺呢段日子，我對自己嘅信心時強時弱，如今得到前輩嘅支持，今後會努力做更多好音樂！」