台北大巨蛋秋天試營 郭富城心急做「破蛋」第一人

2023年06月06日 16:01
東網電視
更多新聞短片
台北大巨蛋起咗好幾年後終於有好消息,預計今年秋天展開試營運,除舉辦球賽外,大批歌手都迫不及待想要做「破蛋第一人」!台灣就有消息指,香港天王郭富城已提出申請,一旦成為首位攻蛋者,勢必引起話題。
據知,喺已提出申請大巨蛋演唱會嘅文件中,就有郭富城嘅名出現,雖然日期未明,但應該係申請今年底或明年初開騷。至於台灣天王天后去年都曾收到大巨蛋主辦單位嘅探詢及邀約,由於大巨蛋最多能容納4萬名觀眾入場,孭得起票房嘅明星如周杰倫、五月天、蔡依林及張惠妹等,都曾被主辦單位口頭邀約過,搞唔搞得成都仲要等公布,不過當中有「演唱會之王」之稱嘅五月天,至今仍未有具體消息。