羅家英收徒弟 汪明荃讚不絕口:文武雙全

2023年06月06日 20:19
東網電視
更多新聞短片
藝人羅家英與粵劇界後輩王志良相當投緣,二人昨日於香港八和會館進行拜師儀式,身為師母的汪明荃(阿姐)亦有到場。王志良不單送上拜師帖,更跪地斟茶給羅家英及阿姐,又送上一套足金金飯碗作拜師禮物,而羅家英則送上一套板帶和綑索予王志良,希望他「短打」及「小武」功夫愈做愈好。
談到收徒弟,羅家英謙稱:「王志良係第6個嘞,已經有半打。(仲收唔收?)視乎情況啦。」原來王志良已多次向他提出要求,希望拜師學藝,最後他被對方的真誠感動:「覺得自己冇嘢教人哋,會唔好意思嘛。」王志良則大讚師傅說:「佢教識我好多粵劇嘅嘢,例如唱腔等,本身都好鍾意睇師傅嘅粵劇演出,從中學到佢喺表演上嘅細膩。」阿姐則表示戥丈夫收了這個徒弟開心,自己亦欣賞王志良的基本功,而羅家英本身是文武生,她覺得王志良亦可走這條路線。
當問到兩師徒會否有合作機會?羅家英透露二人將於9月有合作。談到對徒弟的忠告,他坦言:「佢要減少少肥嘞,其實講基本功,佢比我更勝一籌,但舞台上架子差少少,做戲嘅節奏、對角色嘅深度亦未夠,不過依家新人多演出機會,可以慢慢磨練。」由於近日各有各忙,羅家英表示稍後將會補設拜師宴。