林志玲罕談湊仔經　爆囝囝中文好過日文

「台灣第一名模」林志玲最近頻頻分享同家人嘅幸福時光，先有提到佢哭訴媽媽因患上認知障礙症而「不認得我」，及後亦喺結婚4周年時激罕同日本男團EXILE成員、老公AKIRA晒恩愛，最近佢更提起自己個小Baby。佢就提到囝囝開始進入愛模仿、愛學人講嘢嘅階段，目前講嘢多為中文、日文穿插：「但中文小小領先哦，爸爸也說他要一起學中文了，這樣就可以聽得懂小寶貝說的話。」

佢又話做咗媽媽之後，愈嚟愈覺得要散布媽媽正能量嘅一面，亦係依家好重要嘅任務：「我常會提醒自己，也分享給所有的媽媽，就是你一定要做一個快樂的媽媽，才會有一個快樂的小寶貝。」