李靖筠搞室內騷熱過室外　下次着泳衣解暑

歌手李靖筠（Gladys）日前舉行小型音樂會。已有約一年未有現場表演唱歌的她，表到演出的消息已大感興奮，一早已開始籌備歌單，希望準備好與歌迷互動。音樂會上她唱出9首作品，兼且用結他自彈自唱：「我覺得live show就係要咁，可以同band一齊jam，大家會撞到啲火花出嚟，自己都會更加投入，所以今次都request咗要彈結他，今次呢首歌我都練咗成個月㗎。」

談到久未有現場演出，Gladys透露演出期間發生了一件趣事：「雖然表演場地係室內，但係場地對門開吓閂吓，最後變咗長開，所以啲冷氣走晒，變咗同喺室外冇分別，分分鐘仲熱過室外，我邊路邊流汗，如果有quick change，我諗我會換泳衣，哈哈！」