星玄｜唐詩詠無懼零濾鏡　網民驚嘆靚到發光

6月8日即係農曆四月廿一，今日宜大事勿用喎，即係如果有大事，要進行好似搬屋、開市等等，就唔好揀今日！最旺生肖就係雞，屬雞嘅人桃花旺，異性緣勁好，如果你單身有斬獲桃花嘅機會。

唐詩詠就係屬雞，佢一直被網民封做最佳女朋友，睇得出佢對另一半有幾好，但依家都仲係單身。詩詠過咗42歲生日冇耐，今日又異性緣旺，點計都啱時機，有睇啱不妨主動出擊！其實詩詠都唔使擔心，因為佢顏值仲係一流，約滿無綫嘅佢生活寫意，早前有網民喺尖沙咀撞見佢，詩詠對合照有求必應，睇番張相，詩詠喺零濾鏡之下仲係「靚到發光」，網民仲話佢真人仲靚過上鏡。要有男朋友，其實話都冇咁易。

而今日幸運星係天秤座，你哋運勢好到極，要學識感恩，唔好得意忘形。天秤座嘅泳兒，今年喺樂壇成績好好，拎獎都拎到手軟，但佢都冇得意忘形，仲話會更重質不重量咁製作新歌。至於雙子座嘅朋友飲食要清淡啲，建議多菜少肉，咁樣對身體有益呀。