宋宛穎孖生細妹靚樣曝光　有潛質拎港姐冠軍

2021年港姐冠軍宋宛穎（Sabrina）選美世家出身，有位孖生細妹嘅佢就曾大爆對方太怕醜唔敢美，不過呢日Sabrina與家人慶祝生日，就令細妹宋宛霖（Sonia）最新靚樣曝光，見佢哋為配合美人魚主題蛋糕，特意化上精緻珍珠妝容，加上全白造型，即爆發仙氣，Sonia面尖尖鼻高嘴細，驟眼睇仲同華姐冠軍苟芸慧有幾分相似，難怪網民即大讚佢哋係「最靚姊妹花」，仲力推Sonia選港姐，話佢有潛質拎冠軍！