林心如再創事業巔峰　露營唔夠喉再開真人騷

台灣藝人林心如近年再創事業巔峰，幕前幕後更係做得風生水起，近日更喺新節目《光開門就很忙了》中擔任製作總監，再次帶隊上陣拍真人騷，而豪華嘅演員陣容更有楊謹華任美學總監、陳意涵任活動部長、郭雪芙任點心擔當、周興哲任餐飲總監、章廣辰任首席大廚及擔任房務總管嘅陳昊森。

林心如坦言最擔心係要同所有成員，一齊住民宿長達半個月以上嘅時間：「這是我近幾年跟同事相處最久的一次，24小時過團體生活。」好彩朝夕相對之後林心如亦從原本嘅唔自在，變到慢慢習慣。