賴恩高斯寧阿Ken造型公仔率先睇　粉絲唔收貨

首部真人版Barbie電影《Barbie芭比》（Barbie）即將上映，而男女主角Ken同Barbie電影中造型的公仔已率先公開發售，不過「Barbie粉絲」似乎唔收貨公開批評Ken公仔與賴恩「零相似」！

賴恩版阿Ken公仔雖然跟足電影的造型白金色頭髮以及間條短袖恤衫打出心口，但粉絲卻認為個公仔與賴恩唔多似樣！有買了公仔的粉絲留言鬧爆：「我買呢個Ken公仔係因為廣告標語話啲頭髮係『雪貓嘅白色』，但呢個完全唔係囉！」另有買家亦留言批評公仔頭頂的頭髮超級薄。

賴恩阿Ken公仔被鬧爆，但瑪歌羅比（Margot Robbie）的Barbie公仔卻被大讚很美麗。除了男女主角，玩具商Mattel亦有推出片中其他演員包括劉思慕（Simu Liu）的公仔。