張國強爆Seed狂摑湯洛雯：多到唔記得咗有幾多吓

藝人湯洛雯（靚湯）與張國強（KK）於無綫劇集《隱門》飾演父女，近日播出一集，KK大受打擊爆Seed連環掌摑靚湯的戲份，獲網民讚演技超班。對此KK受訪時透露為演阿伯角色，除刻意留白頭髮，更穿了假肚腩及塗了皺紋膏。談到掌摑靚湯場口，他表示與對方父親湯鎮宗分外熟稔，與靚湯亦感情要好，故二人拍攝前有良好溝通，結果順利一Take完成。他說：「當時我哋順住情緒演戲，最終零預警下加咗好多巴掌，靚湯覺得有必要真打，只係佢估唔到連續咁多巴。因為大家跟住咗個感覺走，個情緒爆發起上嚟就打咗好多巴，多到我都唔記得咗有幾多吓。」

而另一焦點則落在視帝陳展鵬身上，其中一場追捕潛逃戲，他不但要擒高擒低，更體操王子上身做出跳馬一樣的動作，甚考腰力。根據無綫官網發放的花絮片，展鵬大多動作均做得乾淨利落，且與對手過招後，定必拍拍對方予以安撫及鼓勵，盡顯暖男一面。