港姐面試︱北方佳麗現身　中學Miss瞞住學校參選最勁爆

今日（10日）港姐進行首輪面試，當中不乏北方佳麗，其中22歲嘅平面模特兒賀怡雯（Lea）香港出世，今次回流選港姐好緊張，佢表示：「因為我嘅廣東話唔好，13年冇講廣東話。」而21歲嘅王敏慈剛來港，於中央戲劇學院讀表演系，熱褲上陣騷長腿，甚為高質。

另外，23歲嘅Kiki來自成都，現正在香港理工大學讀書，佢透露選港姐全為體驗：「上舞台玩吓，唔擔心廣東話唔好會影響面試。」而最特別要數24歲嘅李思清，本身係杭州人嘅佢係香港中學數學老師，瞞住學校參選：「學校及學生不知道我來選，應該不會反對。」臨走前更同現場記者講辛苦晒，好有禮貌！接住現身嘅仲有來自深圳嘅Mabel，以及內地來港、23歲Cecily，開網台文化公司嘅佢以一身「大紅袍」上陣，夠晒搶鏡！