中年好聲音2︱疑海選結果流出　許志安阿哥被Foul？

無綫歌唱比賽《中年好聲音2》早前公開海選，驚喜見到圈中人及藝人親戚，包括前港姐季軍戚黛黛 、前三級片女星顏仟汶、《全民造星III》黃劍文、許志安八哥許志偉及孫耀威妹妹等。有消息指有資深音樂人伍仲衡當日嘅評分流出，當中許志偉慘被淘汰，其餘某些參賽者跌入考慮區，最終只有一位「圈中人」成功入圍。

有指今次評分表只分入圍、考慮及淘汰三部分，評審喺評分表打分數後，就按表現撥入該區域，當中伍仲衡首輪面試結果疑似流出，其中化妝KOL出身的林若盈成功以7.5分入圍，戚黛黛以5.5分成績跌入考慮區，而話題性十足嘅「安仔哥哥」許志偉則以4分成績跌入淘汰區。