泰國騷遲到近1粒鐘　王力宏冇人睇被爆買觀眾

台灣天王王力宏近日飛抵泰國舉行巡迴演唱會，由社交網到官方新聞稿等均表示個唱座無虛席，反應熱烈，點知有多位去到現場睇騷嘅粉絲就大鬧個唱，更留言要求退票！網友紛紛貼出當晚表現實況，發文炮轟現場大片空位、演出時間推遲近一小時先開唱等，加上同樣價格嘅區域福利分配不公，引觀眾狂鬧。

有網友就爆料稱，官方為咗當日數據「好睇啲」，特意去外圍拉咗班當地人嚟免費聽歌，即場派飛入場。現場歌迷又發聲寸爆王力宏居然遲到近一個鐘先開唱，雖然遲到，但佢就按時收場。同時亦有人不滿王力宏唱功退步明顯，多次喺走音邊緣瘋狂試探，有Hea對歌迷之嫌。