AKIRA首次出演真人騷　林志玲出招幫度橋

「台灣第一名模」林志玲最近不時喺節目、社交網晒恩愛，而為咗更快融入台灣生活，出名「愛妻號」嘅AKIRA仲特地參演真人騷，去林志玲位於台南嘅娘家拍攝，而節目播出後雖然收視好評不斷，不過事實上求好心切嘅AKIRA，曾因語言不通嘅問題，擔心自己會影響錄影流程，甚至喺節目開錄前2日都仲考慮緊退出，並希望改以嘉賓形式參與。好彩經過賢妻林志玲嘅鼓勵先繼續堅持，連節目口號「神秘五金行，困難我來幫！」都係林志玲陪老公諗出嚟，認真溫馨暖心。