陳豪錫到燶！孖陳茵媺慶祝結婚10周年　名牌巨鑽乜都有

視帝陳豪同老婆陳茵媺結婚多年仍然十分恩愛，喺圈中出名嘅型男好老公。而繼日前陳豪同老婆陳茵媺撇甩仔女去咗酒店歎二人世界後，陳茵媺近日再喺社交網晒出同老公陳豪恩愛撐枱腳嘅影片，只見入住酒店拍拖嘅2人似足新婚愛侶咁挨膊頭之餘，夜晚仲換上情侶裝食飯慶祝，2人恩愛如初嘅甜笑碰杯樣認真羨煞旁人。

另外，陳茵媺手上嘅巨型鑽戒同手飾都相當搶鏡，閃盲一班網友外，陳茵媺喺酒店房內影嘅靚相亦意外晒出一個橙色名牌紙袋，睇嚟陳豪為結婚10周年嘅慶祝同禮物，都準備得十分投其所好。