蔡依林豪乳襲越南　馳名G奶Big爆泳衣

台灣天后蔡依林（Jolin）人靚聲甜就眾所周知，不過平時打扮密實嘅蔡依林其實都係有料之人，可惜有着G Cup飽滿上圍嘅佢就相當吝惜，私下甚少分享傲人好身材。而近日陪媽咪去咗越南旅行嘅佢，就激罕清涼打扮晒好身材，唔止做「背影殺手」喪騷白滑玉背，緊身長裙嘅側面更係Deep V設計，盡騷誘人小蠻腰。

不過最破尺度嘅莫過於蔡依林泳池邊嘅水着Look，雖然長衫、長褲、戴黑超兼戴埋防曬帽包到冚，不過濕咗變得緊貼嘅衣服，就將蔡依林玲瓏浮凸嘅嬌人身材展現無遺。