麥美恩孖緋聞男友許文軒慶生　自揭原來係煙幕？

藝人麥美恩（Mayanne）與緋聞男友許文軒（Edmond）經常形影不離，除了從不缺席對方的生日之外，早前更齊齊拍節目，可謂寓工作於娛樂，日前Mayanne更孖住「日本達人」周奕瑋（Jarvis）與Edmond補祝生日，並於社交網上載壽星仔切蛋糕相片，Mayanne更充當攝影師為兩男影靚相，還搞笑自稱是電燈膽，反指Edmond與Jarvis才是最佳拍檔，未幾即引來Edmond留言：「你唔計埋影相嗰個？」

而Mayanne接受東網訪問時，對於遲了半個月才與Edmond補祝生日，她笑說：「佢生日嗰個星期，我日日都要開工嘛！所以大家都冇期去約食飯，依家補番。（齋送蛋糕冇禮物？）佢咁大個人，唔使驚喜啦！祝佢搵多啲，請我哋食飯，哈哈！」