炎明熹素顏畢業相流出　網民求靚女同學入行！

「聲夢人氣王」炎明熹（Gigi）要兼顧學業同工作，雖然非常忙碌，但係佢依然可以抽時間同參與校內活動，與同學保持良好關係，近日佢嘅畢業相於網上流出，睇到佢與同學打成一片，原來身高逾1米7嘅佢都唔係班人最高，仲有幾位女同學比佢仲高呀！而佢嘅女同學顏值亦相當高，有位於影班時企佢隔離紮辮嘅女同學眼大大五官標致，成為網民焦點，仲極速被起底，喺社交網搵到佢素顏嘅相仍星味十足，有網民仲嗌炎明熹推薦呢位女同學入行添！