袁文傑孖老婆趕尾班車影黃鴨

巨型橡皮黃鴨相隔10年再度訪港，吸引不少藝人前往金鐘打卡，不過其中一隻黃鴨於昨日父親節告別香港，亦一隻亦於今早完成展出，藝人袁文傑近日趕及尾班車，趁早上開工前，孖住太太張潔蓮（Jackeline）提早出門到場朝聖，雖然天氣不穩下大雨，幸袁文傑到埗後便停雨，故二人即把握時間拍照，並以黃鴨作為背景攬緊太太晒恩愛，及後更把照片上載社交網，他寫道：「黃小鴨，我終於來了！早兩日突然宣布兩隻小鴨到18號，Jackeline同我臨時決定今朝工作前去打卡，由出門口上車落住雨，落咗車停雨，影過合照後未夠8點又落雨，仲愈落愈勁..真係非常感恩，老天爺安排呢10分鐘時間俾我哋！」