港姐2023︱閨蜜貼中學相揭「翻版范冰冰」整容真相

《2023香港小姐競選》未正式公布入圍名單，坊間就已經有大熱人選，當中「翻版范冰冰」王敏慈就讀北京中央戲劇學院，眼大大尖下巴靚得出眾，不過就惹嚟整容疑雲，雖然本人曾表示係因為化濃裝嘅原因而令人誤會，不過有冇變樣，睇舊相就知得一清二楚。網上就有位自稱係佢閨蜜嘅網友，晒出多張王敏慈昔日學生相，其實佢索樣差別不大，以前同樣標致，一睇就知係靚女。而其閨蜜就力撐：「閨蜜從小就長得就是怎麼正…長得漂亮就一定有動過刀嗎？」更揭王敏慈似乎係喺新加坡讀中學。