梁釗峰Busking重唱經典作《天梯》　引粉絲歡呼大合唱

歌手梁釗峰日前出席港鐵內的藝術舞台演出，在繁忙的放工時段表演，他出場時即刻炒熱氣氛，引得現場粉絲歡呼，當他唱出《28天》時不少途人停低腳步打卡，唱到經典作《天梯》時，台下主禮嘉賓也跟住他一起和唱，首次以個人身份在港鐵站內唱歌：「成日經過呢個車站，有得唱歌真係唔同啲，以前成日街頭Busking，嗰陣時都冇呢個字，總之我係唱歌而唔係賣藝，因為冇收錢嘅！當時永遠唔知會遇到咩人，係講緣分、即興，好珍惜舞台度見到大家。」

這個藝術舞台，因受疫情影響而停辦，今次以新面貌、新元素同大家見面，為藝術表演愛好者提供全新表演舞台一展所長，他讚賞對藝術發展係好事：「其實有呢個舞台存在已經係推動藝術。」當日還有殘疾及傷健人士組成的香港共融樂團，釗鋒仲坐定定欣賞對方演出，完騷後他又在站內與Fans影合照才離場。