楊丞琳小巨蛋開騷　李榮浩最後一刻趕到捧場

台灣歌手楊丞琳18日係台北小巨蛋舉辦「LIKE A STAR巡迴演唱會」第2場，而喺內地西安舉辦緊個人演唱會嘅李榮浩，亦喺楊丞琳開騷前一刻及時趕到外，仲嗨到拎住楊丞琳演唱會嘅專屬螢光棒合照，而台上嘅楊丞琳見到老公落力支持，都感動道：「我的人生遇到他，是我最大的幸福。」開騷期間，楊丞琳亦特登行上2樓觀眾席同粉絲互動，而李榮浩眼見老婆「近在眼前」，仲興奮到起身狂揮螢光棒，眼神更係全程都冇離開過楊丞琳，相當恩愛。

楊丞琳尋晚繼續上演一分鐘換裝騷，團隊唔小心太用力，令佢驚喊「我的內褲」，疑工作同仁情緒太激動，導致內褲同打底褲一同被拉扯下，她不禁直呼很危險。佢嘅「純白女力」造型採中空設計，大晒23吋蜜蜂腰及川字腹肌，佢話：「換這樣比較涼快，也比較能夠嶄露身材。」

另外，楊丞琳都特別多謝老公李榮浩趕過嚟，畀咗佢好大安全感：「他昨天在西安有演唱會，因為是戶外天氣非常糟糕，他淋了一整天的雨，今天一早6、7點就起床還轉機趕到了現場，很開心他趕到了，對我非常重要。」