星玄︱7段緋聞位位男神　44歲徐子珊渴望真愛

今日係6月25號，農曆五月初八，宜交易、入學、開市。至於最旺生肖係羊，羊仔羊女桃花旺，單身人士快啲出門搵意中人啦！前港姐冠軍徐子珊正正就係屬羊，佢2019年宣布退出娛樂圈搬去歐洲，一直神隱嘅佢最近終於有新片流出，雖然息咗影咁多年，但仍然keep到咁靚女！

其實徐子珊除咗追夢，仲講過想喺外國搵到真愛。不過似乎依家仲係單身喎，入行15年佢有過好多段緋聞，位位男神級好似林峯、黃宗澤等等，不過佢冇承認過任何戀情！今年44歲嘅子珊咁凍齡，今日又桃花旺真係唔驚喎，只要肯出街行吓一定掂！

今日嘅幸運星就係射手座，你哋人逢好運精神爽，可以畀自己做啲感興趣嘅事。射手座嘅C君（鄭詩君）早前一度傳出唔再同無綫續約，不過最終都係改簽藝員合約，主持新節目。雖然卸任J2創意總監重投主持工作，好似畀人「燉冬菇」，但C君就話由幕後變幕前係升呢！咁你依家真係可以專注做熱愛嘅音樂喎，今日又有運，快啲出首歌啦！