朱斐斐爆藝人身價　最高片酬一部劇300萬

入行已有11年嘅朱斐斐，雖然演藝事業差強人意，不過隨着朱斐斐喺劇集破格演出嘅印傭Siti成功入屋，人氣都水脹船高。而最近認真經營社交網嘅佢，不但不時喺社交網大派福利，日前更爆出圈中秘聞，叫網友估吓TVB片酬最高嘅藝人。

朱斐斐透露：「能讓蔡少芬感嘆、能讓汪阿姐說要漲價的，就肯定唔係日薪208萬嗰種水準啦，視帝視后拍一集都係4、5萬左右，最多嘅可能有7、8萬嘅，一集。」而最高薪藝人則係鍾嘉欣，佢表示聽聞鍾嘉欣喺《星空下的仁醫》一部劇收300萬港幣：「但她拍了好像4個月吧，這麼一算她日薪也有2萬，喺TVB已經係天價！」更透露TVB劇集拍一集僅有100萬預算，而當年自己喺訓練班時，工作一個月都剩係得車馬費。

另外，她又爆出藝人在無綫每集劇酬，最高是鄧萃雯每集80,000港元；郭晉安、鄭嘉穎每集70,000港元；佘詩曼每集65,000港元；林峯每集50,000港元；郭羨妮每集45,000港元。