樂易玲預祝生日　無綫靚女齊到賀

導演葉念琛於社交平台甫出跟陳曉華、劉佩玥食飯，並跟下月頭生日的無綫高層樂易玲切蛋糕慶祝，早前由他執導的無綫劇《美麗戰場》話題十足，收視亦相當不錯，問葉念琛今次約有份演出的曉華、佩玥食飯，是否傾續集大計？他笑言：「主要同樂小姐（樂易玲）食飯，順道預祝佢生日，大家冇談公事。」

原來當晚還有著名玄學家麥玲玲以及一班無綫靚女，陳楨怡、宋宛穎、陳星妤以及郭柏妍等都有現身，都可算「美女飯局」，問麥玲玲可有送甚麼禮物給樂易玲？她笑言：「冇呀，佢叫大家要兩手空空嚟，否則，要全部拒諸門外嘛。」