G.E.M.巨肺變魔音　五音不全嚇親網民

「宇宙巨肺」鄧紫棋（G.E.M.）早前確診，幸好佢已經康復。佢喺復工第一日於社交網拍片晒歌喉。片中見佢唱得非常投入，不斷飆高音，嘗試施展其巨肺本色，可惜大家聽到嘅只得「魔音」，忽然五音不全嘅G.E.M.震驚唔少網民。

之後G.E.M.喺貼文寫到：「陽康後第一天復工，我是你的笑面人…」其實G.E.M.只係想同大家搞吓笑，分享爛聲片氹大家開心。唔少網民留言：「一天的快樂被解解補滿了」、「好可愛，笑死我了」、「好笑又心痛」。但都有粉絲擔心話：「要好好保護嗓子」、「不要唱啦，記得好好休息」。