林寶玉招呼菲律賓拳王來港　主題公園打卡引合照潮

藝人林寶玉（Connie）轉會到亞洲心動娛樂後，策劃了多個大型活動，其中最大型的拳賽便邀請了菲律賓拳王帕奎奧（Manny Pacquiao）來港。拳賽結束後，Connie一盡地主之誼，帶拳王和太太四圍遊覽，並到主題公園打卡，拳王現身樂園期間，受大批菲律賓姐姐歡迎，紛紛要求合照，受歡迎程度遠勝同場的卡通人物。而拳王對粉絲來者不拒，任影唔嬲，十分友善，Connie表示一入到樂園，看到滿是菲律賓人，才知道當日是菲律賓假期：「大家都認得拳王，個個要求影相，佢又好友善，唔會拒絕，逐一合照，感受到佢係世界具影響力嘅人。」

不過拳王只行了一圈，沒有玩機動遊戲便離開。有學拳擊運動的她，問有冇趁機請教拳王兩招？她說：「唔敢班門弄斧，因為有上網睇過佢平時生活或者比賽打拳片段，佢真係好勤力，我只係靜靜地喺網上學佢練拳認真同勤力嘅態度。」近日公司簽了新女子組合心動女孩和一位男歌手劉漢杰，工作忙碌，但愈忙愈開心，表示好幸運跟了一位好老闆，給予機會磿練。