梁思浩上節目自爆中過3次六合彩：個天會幫你揀Number

梁思浩、倪嘉雯與涂毓麟近日擔任J2玄學節目《數你個命》的嘉賓，出名好運的思浩承認曾至少中過3次六合彩，且全部是四獎以上，談到箇中秘技，他認為與幸運數字有關，他指假若起床後幸運數字一再出現，便會視當日為Lucky Day，然後就會買六合彩：「唔好自己揀『冧巴』，買一張電腦飛啦，因為既然你係幸運，個天會幫你揀。」

思浩又大爆好友苑瓊丹的抵死催運方法，他稱在傳呼機依然流行年代，每次落 Call找苑仔，都必定遭追問機主全名：「Call台話苑瓊丹需要你講兩次苑瓊丹先落Call，所以我搵親佢，起碼講咗四次苑瓊丹。」思浩解釋由於「苑瓊丹」並非本名，故對方才想被人嗌旺個名。