曾華倩泳將兒子打Golf　集郵吳啟華諗起《九品芝麻官》

藝人曾華倩兒子林浩賢（Martin）身高有1米91米，係香港游泳代表隊成員，曾華倩日前帶兒子同好友吳啟華打Golf，影合照時，雖然身高1米82嘅吳啟華企喺Martin身邊都矮咗半個頭，不過以紅色運動服上陣嘅佢身材一啲都唔輸蝕，同Martin一樣都係Fit到爆呀！而Martin留言表示見到吳啟華，就會諗起對方有份演出嘅經典電影《九品芝麻官》：「Happy golf with 吳啟華」，睇嚟成功集郵嘅佢，心情好興奮喎！