傳不續約後勁多Job 黃智雯仲傾緊合約問題

2023年07月09日 16:01
東網電視
更多新聞短片
藝人黃智雯與江嘉敏今日(9日)現身無綫全新綜藝劇集《香港重案》開鏡拜神,智雯稱今次節目十分特別,只集中案件,沒有感情線及支線,會將10單本港奇案原汁原味拍出來:「啲案件好轟動,我都有聽過,部分係近年發生,有啲仲打緊官司,案件都比較血腥,我聽到都好驚同心寒,睇過預告片還原度好高,都有啲擔心尺度問題。」至於嘉敏笑言角色介紹她是衝動派以及賣樣,她自嘲:「我冇諗過我係Sell個樣,但都開心。(為角色而減肥?)減肥係終身事業。(已有成效?)我實話有,我有努力過,但有進步空間,因為唔止係追求瘦,仲係要健康。」智雯揚言會鞭策對方。
提到智雯似乎傳不續約後,工作反而愈多,她否認:「唔係,呢啲係之前安排好嘅工作,我做完舞台劇同宣傳完《隱門》,依家要重新投入工作。(續約傾成點?)一直有傾緊,因為都係比較重要嘅事。」
至於嘉敏將參加慈善馬拉松跑山,她指正積極準備中:「我一直有跑步練氣,因為我向來比較少運動,有同隊友夾時間跑山,我隔日就跑每日跑個幾鐘,但我怕曬,所以多數夜晚先跑。」