羅嘉良17年後再拍電影　首與劉青雲合作拍到心寒

由3大影帝劉青雲、郭富城及古天樂主演的警匪動作電影《掃毒3：人在天涯》，邀得三屆視帝羅嘉良及好戲之人陳國邦客串，令故事卡士更具分量及睇頭。羅嘉良透露過往甚少接拍電影，上次拍攝電影是17年前的《三岔口》，而今次接拍《掃毒3》的原因，是監製找他問有否興趣客串大毒梟一角，他即時一口答應，今次角色是他從未飾演過，他自言事前看了很多紀錄片做準備。

羅嘉良跟青雲從未合作過，兩人戲中表面互相合作，但背後鬥過你死我活，嘉良稱最難忘是電影最後與青雲合演的緊張場面：「武指設計咗一場動作戲，青雲拔走我支槍，然後插入我嘅褲頭，我覺得呢動作非常精彩，觀眾會睇到心寒。」他大讚青雲為角色做很多設計，絕對是影帝級。

至於陳國邦飾演羅嘉良的左右手，他在戲中需要應付泰文對白，又要在槍林彈雨下拍攝開真槍，挑戰不少，陳國邦說：「戲中泰文台詞幾長，大概有5、6句，講對白嘅時候唔可以有任何猶豫思考，惟有不停咁聽老師畀我嘅錄音。我不停聽咗6至7日，連發夢都背得出呢段台詞。」