區永權受惡鄰滋擾超過1年　大廈終於安裝CCTV監控

《東張西望》主持區永權（Albert ）多次受樓上單位高空擲物滋擾，事件持續超過1年，早排惡鄰近仲變本加厲多次投擲大量玻璃碎，隨時搞出人命！不過最近就有好消息，Albert日前喺社交網發文：「期待已久，終於等到！收到管理處通知，因應高空擲物事態嚴重，將會喺所住嘅大廈安裝CCTV，希望可以控制及監察情況！實在太～好~喇~！藉此，希望將呢個好消息，分享俾曾經幫助及關心過我哋嘅親朋好友、同事、留過言嘅網友、粉絲、管理處等。當然，仲有樓上親愛嘅鄰居啦，感激！」

其實Albert之前都已經投訴過不知幾多次，網友仲叫佢不如搵番《東張》幫手添，雖然要等咗成年先有跟進，但總好過每日擔驚受怕，希望事件可以告一段落，Albert同屋企人都可以住得安心啦。