樂宜擔任滑水節大使　被范莎莎踢爆竟然怕水？

2019年亞姐小姐香港區季軍兼最上鏡小姐范莎莎（Zaza）性格好動，尤熱愛水上活動，滑水多年的她，近日獲邀出席香港滑水節活動，與DJ女神樂宜擔任宣傳大使，她形容自己又怕痕又怕痛之人，既愛玩滑水，卻又怕曬：「如果唔係去影宣傳片嘅話，都唔出去玩，因為滑水要搵滑水腳，今年先至第二次出海，自己又要玩但又怕曬黑，都幾尷尬。」

早前她便與樂宜出海拍攝宣傳照，才知道樂宜相當驚水，她笑說：「最搞笑，我同佢一樣咁陽光形象，佢就非常怕水，我就怕曬。我只會陰天着比堅尼滑水，平時着長衫長褲，朋友笑我滑水嘅裝束仲密實過平日出街。」Zaza表示自2020年起學滑水，最巔峰期夏天每周滑一次，為對抗陽光，她實行外敷內服，又吃美白丸又做美白療程：「我係易黑難白，晒一次黑三年，小蜜糖色成為我嘅icon，急救唔到，好慘！」