為演戲豁出去　劉晨芝化濃妝醜化自己

藝人劉晨芝（Adrienne）近日到了法國巴黎欣賞時裝周，之後就到美國洛杉磯出席其有份演出的新片《The Modelizer》首映，Adrienne透露她在電影中飾演一個整容上癮的有錢女：「係一個醜化嘅角色，都幾搞笑，拍攝前要化好濃妝，啲人睇完都話原來嗰個係你，連我都有少少唔認得自己，做演員可以試唔同角色，我唔介意做丑角或者演反派，只要角色有得發揮都想試。」

另外，Adrienne指身處巴黎時遇正當地爆發大規模示威，還發出旅遊警示：「我出發前問過住當地嘅朋友，佢話情況都OK，只要小心啲同唔好出夜街就得。我之前兩次去巴黎都有小意外，一次畀人偷電話，一次就成個行李畀人偷咗，所以都有少少陰影，今次我做完嘢就即刻返酒店，好在全程都冇事發生。」