邵初比堅尼浸溫泉　嘲陳懿德坐爆浴缸

藝人麥長青（麥包）、陳懿德、邵初齊齊擔任無綫旅遊節目《請1日假去旅行 中山江門篇》主持，他們到江門參觀完僑都博物館後，又到長堤歷史文化街品嘗當地美食。因內地熱播劇《狂飆》曾在該處取景，吸引不少遊客到訪，連帶劇中經常出現的豬腳麵都成為必食名物。三位主持品嘗豬腳麵時發生小插曲，事緣邵初、陳懿德互相取笑對方大食，麥包見狀即戲言︰「香港小姐喎，嗌交嘅？」邵初即解釋指二人並非嗌交，只是太Friend才會這樣。晚上他們又到古兜溫泉度假區下塌，陳懿德、邵初趁機以比堅尼上陣大浸溫泉，但二人發生爆笑事件；話說陳懿德坐落浴缸一刻，缸水竟然滿瀉溢出，即遭邵初取笑︰「我就係想睇呢幕，『海嘯式』溫泉。」

三人又開車到露營場地野餐，令麥包憶起以往拍外景的日子，他說︰「以前都係咁喺郊區拍外景，揸架七人車去場地，場口冇我份嘅時候，咪上車開冷氣瞓覺。嗰時用電油車又嘈、又唔環保，現場收音嘅話，會畀導演話『阿包，熄匙先啦』。」