否認與王菲分手後首現身　謝霆鋒冧笑開工笑唔停口

樂壇天后王菲早前被傳同男友謝霆鋒分手，指復合9年嘅「鋒菲戀」畫上句號，搞到謝霆鋒嬲爆澄清分手傳聞，怒吼：「別拿我們來搞！」好在謝霆鋒完全冇受分手傳聞影響心情，尋日（14日）就被網民於中環嘅街市偶遇佢買餸，片中見霆鋒剪咗新髮型，分外清爽有型，佢仲邊行邊瞇瞇嘴笑，雖然佢係進行緊拍攝工作，有攝影師跟到實，不過都難掩如沐春風嘅好心情。