【港姐謎團】靚絕電視城都冇用　歷年大熱統統落選

《2023香港小姐競選》進行得如火如荼，大家揀好心水佳麗未先？講起今年大熱，「金髮蔡思貝」郭珮文實有份，一頭金髮加埋勁爆身材，喺候選佳麗入面勁搶眼！至於「翻版范冰冰」王敏慈，畀人讚靚絕電視城，甚至靚到被質疑整容，絕對都係大熱門。不過有樣有身材就未必當選，歷年唔少公認靚爆嘅明星，原來選港姐嗰陣都大熱倒灶！

鍾楚紅（紅姑）被評為歷代「最美香港小姐」，兩度榮獲亞太影展最佳女主角殊榮，喺影壇紅到發紫。又叻又靚嘅紅姑1979年參選港姐入行，當年人人都覺得佢靚到不得了，點估到一副冠軍相嘅紅姑最後只得第四名！有傳因為佢唔識用一樣嘢而跌出三甲，想知就即睇片啦！