五月天瀋陽開騷循例問嘢食　「雙金影帝」驚喜做嘉賓　

台灣天團五月天，時隔5年終於喺內地瀋陽開騷，唔止搵嚟金爵獎影帝黃渤合唱《洋葱》，仲有今年新科金爵獎影帝董成鵬擔任嘉賓，而身為「五迷」嘅董成鵬更感慨「好似做夢一樣」外，更分享埋10年前睇騷經歷：「10年前五月天北京鳥巢演唱會，我坐在山頂的位置。」EQ爆棚嘅黃渤仲搞笑問：「當時錢不夠是嗎？」

而身為「為食天團」嘅五月天更喺本性難移，感性唔夠1分鐘就開始討論瀋陽美食，並現場向歌迷請教有咩道地美食。另外，傾完美食嘅五月天更突然話鋒一轉，當場「質問」董成鵬：「為甚麼拍《縫紉機樂隊》而不是拍《五月天樂隊》，是五月天不夠好嗎？」引嚟現場陣陣爆笑聲。