劉亦菲晒素顏家居Look　手戴巨型寶石疑戀情曝光

有「神仙姐姐」美名嘅內地女星劉亦菲，天生麗質之餘連素顏都星味濃，而向來甚少玩社交網嘅佢，日前就罕見地晒出一段手袋開箱影片，片中嘅劉亦菲將頭髮簡單綁成高馬尾兼素顏示人，其未加修飾嘅精緻五官同白滑嫩肌嘅凍齡靚樣，都引嚟唔少網友激讚「凍齡有道」。

而收到新手袋做禮物嘅劉亦菲，更開心到好似小朋友咁，即刻孭上身擺甫士影相外，仲攬住愛貓同新手袋合照，少女心爆燈！雖然劉亦菲嘅素顏家居打扮相當省鏡，不過手上個粒「巨型鴿子蛋寶石」戒指，更係望落雍容華貴勁搶Fo，引嚟唔少網友討論價錢外，更猜測劉亦菲「名花有主」留言祝福。