李佳芯食茶記畀仔圍　愛心爆棚現身幼稚園畢業禮

視后李佳芯（Ali）最近重提曾生卵巢大腫瘤，關心自身身心健康嘅佢，最近就被網友發現同三位男士齊齊同枱食飯，大擦茶餐廳美食，神態安逸自然，氣色亦好好，仲要被三位男士圍到實咁護駕，係幾有安全感嘅。

而佢自己亦喺社交網晒出現身幼稚園畢業禮，見佢不施脂粉樸素現身，即獲網民大讚佢有童真，仲好有幼稚園老師Feel。原來佢係現身元岡幼稚園畢業禮，該校校長呂麗紅於2010年幼稚園瀕臨結束時，以市價五分一嘅低薪接任只剩五名學生的幼稚園，同時兼任校長、老師和清潔阿姐，事件之後被拍成電影《五個小孩的校長》。